વતનપ્રેમ - પુનર્મિલન

આવ્યો છું (ગઝલ)- ઘનશ્યામ ઠક્કર

હું એટલો બધો બેભાન થૈને આવ્યો છું,-
મારા ઘરમા જ હું મહેમાન થૈને આવ્યો છું

સિતાર-તાર જેમ એટલું ખેંચાવું પડ્યું,-
સારેગમથી ય ઊંચી તાન થૈને આવ્યો છું

સમયનાં એટલાં અપમાન મેં કર્યાં છે સહન,-
કે બે'ક શબ્દ-સૂરનું માન થૈને આવ્યો છું

તમારાં દ્રશ્ય-અવાજોના કરીદો ઢગલા,
કે હુંતો માત્ર આંખ-કાન થૈને આવ્યો છું!

તમારાં સ્મરણોએ તો શબ્દ-સૂર શીખવ્યા છે,
ગુરુદક્ષિણા તણું ગાન થૈને આવ્યો છું

અહીના ધોધ - નદી - સાગરોથી છાંટી દો,..
હું એટલો બધો વેરાન થૈને આવ્યો છુ

----------------------

(1993)

જાંબુડી ક્ષણના પ્રશ્નપાદરે